Ni irihe herezo ry’ubwicanyi budasiba bukorerwa Abanyamulenge?

Imyaka ikomeje kwisukirana Abanyamulenge muri RDC bakorerwa ubwicanyi ndengakamere, ndetse ababikurikiranira hafi babyita Jenoside, ariko ntiyitwa yo byeruye kuko hatagaragara uruhare rutaziguye rwa leta mu mahano arimo kuba.

Amateka agaragaza ko Abanyamulenge bageze mu bice bya Minembwe bavuye mu Rwanda mu kinyejana cya 17, icyo gihe u Rwanda rwari igihugu gifite n’umwami, ariko Congo yari itarabaho nk’igihugu cyigenga.

Kuva mu myaka ishize Abanyamulenge bakomeje kuvutswa uburenganzira bwabo ku gihugu cyabo, kugeza ubwo mu 2017 ubwicanyi bwafashe indi ntera. Muri icyo gihe ngo aba Mai-Mai benshi bavuye mu bice bya Lemera, Itombwe, Swima, Uvira, Sange, Lurenge n’ahandi, mu buryo bukomeye batangira kwica abantu, banyaga inka zabo banatwika inzu.

Mu kiganiro n’Umwarimu muri Kaminuza y’u Rwanda mu gashami ko gukemura amakimbirane, Dr Aggée Shyaka Mugabe, akaba n’umwe mu bakurikirana by’umwihariko ibibazo by’Abanyamulenge, yavuze ko ukurikije uko ikibazo gihagaze, ubwicanyi bukorwa mu buryo ndengakamere.

Subscribe: https://www.youtube.com/IgiheTV?sub_confirmation=1
Facebook: https://web.facebook.com/igihe
DailyMotion: https://www.dailymotion.com/igihetelevision
Twitter: https://twitter.com/IGIHE
Instagram: https://www.instagram.com/igiheofficial
Flickr: https://www.flickr.com/photos/igihepictures/
Website: http://igihe.com/

#IGIHE #Rwanda #Abanyamulenge